ANTEC NX800 V2 | watanimall Skip to Content Contact Us
Blackfriday

ANTEC NX800 V2

الشكل :
شكل جميل كثير واضاءة ARGB حلوة كثير ، الاصدارة الأصلية كانت اضاءتها سيئة جدا على الاقل هيك كنت اشوف ، الاشي اتحسن كثير والاضاءة جميلة ، ليست بمستوى أضاءة corsair اكيد ولكن فش عليها حكي ، الاصدارة البيضاء متقنة ولون الدهان متناسق جدا ومشغول صح ، كثير صناديق بيضاء ع ارض الواقع بتكون بشعة ولونها متدرج ومش متماثل ..
اللي بحب منظر هيك كيس فما في عليه حكي .
الحجم والسعة :
الصندوق واسع جدا ، بوسع اي شي بدك اياه وحتى لوحات eatx مدعومة ، ميزة ما بنشوفها باغلب هاي الصناديق اللي بهذا السعر ،
بالنسبة لدعم التبريد المائي فهو بدعم 360mm بالامام (فكرة مس كثير جيدة) ، وحتى 280mm بالأعلى ..
عمق الصندوق كافي ليوسع اضحم واطول تبريد هوائي بخطر ببالك ، الجميل ابضا هنا هو انه الشركة مخلية مسافة كبيرة بين اللوحة والتبريد المائي بالاعلى فمش راح تصدم بمطب انه اللوحة والهيت سنك بعارض على التبريد او الرامات الكبيرة وصلت المراوح ..
الصندوق بدعم ٣ هاردات 3.5 بالخلف وكمان 4 ssd 2.5 inch ، المساحة المخصصة للباور سبلاي كبيرة جدا وبتكفي لاكبر باور واسلاكها ..
السعة الخلفية بين الغطاء والصندوق كافية لاستيعاب كوابلك بسهولة فلو انك ما الك بالكيبل مانجمنت ما ىاح تواجه اي مشكلة ..
التهوية :
الصندوق بستخدم ٣ مراوح افتراضيا للنسخة السوداء و ٥ بالبيضاء ، المروحتبن الاماميات كبار 200mm والخلفية 140mm
والبيضاء في كمان ٢ من فوق 140mm.
بالنسبة للمراوح فهم مشبوكين افتراضيا على متحكم الشركة المدمج بالصندوق وما في امكانية لتشببكهم عالبورد ولا حتى ضايفين سلك ياخذ اشارة pwm لتغير سرعتهم بناء على الحرارة والاضاءة كذلك مشبوكة بنفس السلك والمتحكم لكن الإضاءة بتقدر تشبك المتحكم على لوحتك اذا بتدعم argb 3pin 5v للتحكم فيهم واذا ما في بتغيرهم من الكبسة..
الشركة ضابطة هاي المراوح على سرعة واطية بهدف تقليل الازعاج وعمليا صوتهم كثير هادي ، بشكل عام مراوح 200mm فش داعي تروح لسرعات عالية لتوفير تدفق هواء اكبر خصوصا مع استخدام الشركة ل واجهة امامية من الشبك واللي بتسمح بدخول الهواء البارد بلا اعاقة ، الشركة حاطة فلتر داخلي قدام هاي المراوح لتقليل الغبار وبتقدر تشيله ووتنظفه وترجع مكانه بسهولة كونه مغناطيسي .. بنحب لو الشركة تضيف سلك للوحة ياخذ اشارة pwm او عاقل تقدير يضيفو كبسة للتحكم بسرعة المراوح وضبطها باوضاع مختلفة .. اللي بدي اقوله بس ان الكيس بشكل عام حرارته جيدة جدا ومش راح تعاني من اي مشكلة بالحرارة حتى لو عندك قطع حاامية وبتنتج حرارة كثير ..
ميزات اضافية :
الكيس بدعم وضع الكرت بشكل عامودي للناس اللي بتحب هيك ، بس لازمك تشتري رايزر ..
جودة تصنيع :
مش الافضل كخامة ومش خفيف بنفس الوقت
تصور نهائي :
الكيس جميل ، كبير وبوسع كل شي ، تبريده جيدا جدا واحسن كثير من اغلب الخيارات اللي بسعره وحتى الاغلى منه ، مش افضل خامة بالسوق لكنه منيح لسعره ، تحكم بسرعة المراوح قد يجعل الصندوق ممتاز ، لكن ضبطهم بسرعة واطية كافي حقيقة للتهوية و بقدم صوت واطي جدا بدون ازعاج ، الكيبل مانجمنت سهل جدا وما بدو فن ..
Back top top Skip to content