أول خطوة في إختيار لابتوبك القادم

عمرك رحت ع محل وكان أول سؤال لما جيت بدك لابتوب بدك الابتوب غيمنغ ولا عادي، وسألت حالك شو هالسؤال ليش سألني غيمنغ ولا عادي وقلت لنفسك أصلاً إيش يعني غيمنغ.

عشان هيك اليوم حابين نحكي عن أنواع الابتوب كفئات عامة. الابتوبات بشكل عام تنقسم لنوعين رئيسيات بتتفرع منها باقي الأنواع، لابتوب بكرت شاشة خارجي(ويقصد به وجود كرت أخر غير الكرت الداخلي المدمج بالمعالج) والمسمى الشعبي إله “غيمنغ” واللي بكون بشكل أساسي للناس اللي بيلعبوا ألعاب(غيمز) واللي أجت منه التسمية، برضو الناس اللي بتستخدمه للمونتاج والتصميم سواء الهندسي أو غيره على إختلاف البرامج ومتطلباتها. والنوع الثاني لابتوب بدون كرت شاشة خارجي وبالعادة بكون للإستخدام المكتبي مثل التصفح وبرامج الأوفيس مثل الوورد والإكسل والبوربوينت وباقي مواصفاته بشكل عام أقل.

بما إنه حكينا بشكل عام خلينا هس نفصل شوي ونختار مسميات أدق، اللابتوبات اللي بكروت خارجية تنقسم بشكل عام ل3 أنواع

Gaming notebooks:

وهي لابتوبات الغيمنغ اللي بنشوفها بالسوق بالرينج تقريباً من 4000 ل 6000ش وممكن أكثر وبتكون ذات جودة مواد متوسطة بلاستيك في معظم الأحيان وبطارية ما بتطول ومواصفات مختلفة من متوسطة إلى عالية جداً.

Ultra/Premium gaming notebooks:

هاي الفئة قريبة جداً من اللي قبلها ولكن اللي بميزها وإكتب الزيادة في الإسم منه وهو جودة المواد المستخدمة فيه فبالعادة بيكون ألمنيوم أو ماغنيسيوم أو خليط ما بينهما وبكون أخف بكثير من الغيمنغ العادي وبطاريته أقوى بكثير ومعظم الأحيان شاشاتهم تكون ذات الدقة والألوان الأفضل ومعظم مستخدمين هذه الفئة من المصممين والغرافيك ديزاينرز واللي بستخدموه للمونتاج وبحبو يشتغلوا خارج البيت.

Workstations:

وهذا النوع هو الأغلى وما يميزه نوعية الكروت الخارجية المستخدمة بحيث تكون من amd pro أو nvidia quadro والمستخدمة للمهندسين بشكل خاص للمشاريع الكبيرة جداً ويميزه الإستقرار الكبير والتحسين للبرامج الهندسية ولكن يصحبها سعر كبير جداً ولا تكون بالعادة أفضل قيمة مقابل السعر حتى للمهندسين والكثير منهم يفضل gaming notebooks للحصول على أعلى مواصفات ولكن إذا أراد المهندس الحصول على أفضل لابتوب فعليه بهذه الفئة التي قد يصل سعرها 6000$ و 8000$.

واللي بدون كروت خارجية تنقسم لعدة أنواع منها :

Notebooks :

وهي الابتوبات المكتبية الرخيصة ويميزها جودة التصنيع السيئه نسبياً للموديلات الأرخص والبطارية القليلة والشاشات السيئة مع ذلك إذا الشخص رفع بميزانيته شوي وما اشترى أرخص موديل مثل سلاسل زي

Hp 250 g7 / dell Inspiron 3000 / lenovo v110

وانتقلنا لموديلات مثل

Hp probook 450 g8 / dell Inspiron 5000 / lenovo IdeaPad 3 / lenovo Thinkpad e15 g2

واللي بالعادة بتكون فقط أغلى بأكم مئة شيقل مثل بدل ٢١٠٠ش بتكون نفس المواصفات لكن ب ٢٥٠٠ أو ٢٧٠٠ش ووقتها بنحصل على توازن بحيث بيصير شصي معدن أو بلاستيك قوي وشاشة واضحة مريحة للعين وبطارية أحسن وتبريد أحسن وهاد بيخليك توفر على المدى الطويل لأنه الجهاز راح يدوم أكثر ومصنوع أحسن .

Ultrabooks :

وهاد النوع بكون نفس اللي قبله بالمواصفات لكن بكون كله ألمنيوم أو مغنيسيوم وبطارية بتطول كثير وشاشة توب ٤ك أو ٢ك وسطوع عالي وشاشة لمس وينقلب بزاوية ٣٦٠ درجة يصبح شبه التابلت وبيكون معه قلم أحياناً ويكون سعره مرتفع ولكن بالمقابل يحصل على أفضل جودة ممكنة وتجربة ممتازة جداً ومن الأمثلة المشهورة عليه للتقريب هي الماكبوكات الخاصة بأبل

Hp specture x360

Dell xps 2 in 1

Apple MacBook air m1

:ملخص

وهيك بكون عنا فكرة عن أنواع الابتوب المختلفة وبشكل عام كملخص سريع للحصول على أفضيل قيمة مقابل سعر.

إذا كان الشخص بده لابتوب شغل مكتبي يشتري Notebook متوسط مثل

Lenovo e15 g2 ( بالمناسبة متوافر لدينا حالياً بعرض خاص لكمية محدودة ???? )

وإذا كان يريد الشخص جهاز ذا أداء عالي وبسعر معقول فليختار

Gaming notebook

مثل : Asus tuf f15  ( برضو متوافر لدينا حالياً ).

مع مراعات الإنتباه للمواد المصنوع منه والبطارية والتبريد والخ واختيار توازن بينهم وراح نحكي بزيادة عن هاي المواضيع لقدام خليكم مترقبين ^_^.