إختيار لابتوبك القادم – الشاشة

المرة الماضية حكينا بشكل عام عن كيف نختار لابتوب، خلينا اليوم ندخل بشوية تفاصيل ونحكي عن الشاشات.

الشاشات فيه شغلات كثيرة فيها مهمة لازم نعرفها مش بس الحجم هو المهم، لكن مع هيك لا يزال ذو أهمية كبيرة لذلك راح نبدأ فيه.

أحجام شاشات الابتوبات بنسمع 13 أو 13.3 أو 15.6 أو 17 يا ترى إيش بتعني ؟

ببساطة هي قياس المسافة من الزاوية للزاوية ( بشكل قطري) بوحدة الإنش وكل 1 إنش = 2.54 سم(سنتي متر) يعني يوم نحكي 13 إنش أو يعبر عنها بإشارة الإقتباس 13″ هكذا بنكون بنعني 13×2.54 واللي تساوي 33 سم من الزاوية للزاوية وهكذا بنضرب الرقم ب2.54 بطلع معنا الجواب بالسنتي متر.

ومن جديد صرنا نشوف أرقام جديدة خصوصاً رقم 14 إنش و 16 إنش و 16.1 إنش. حكينا قبل شوي إنه الرقم بمثل المسافة من الزاوية للزاوية، طيب تخيلوا لو مسكنا الحفة اللي بأسفل الشاشة الزائدة التي جزء من الإطار وحولناها لشاشة بدون ما نأثر على طول الشاشة وقتها بتصير 13.3 إنش ل 14 إنش و 15.6 إنش ل 16.1 إنش والتي بتساعد جداً على قراءة المستندات وتصفح المواقع وقراءة المقالات والمستندات ….. والخ.

هيك بنكون أخذنا فكرة عامة عن الشاشات. طيب ممكن نتساءل أي حجم أفضل لكل إحتياج ؟

الجواب إنه الحجم يعتبر تفضيل ولكن بالعادة يفضل الإبتعاد عن 17.3 إنش سواء كان غيمنغ أو غيره لأن الابتوب بكون كبير جداً وصعب ينحمل ويتُنقل به لأنه صعب نجد حقيبة توسعه، ووزنه ثقيل.

وحجم 15 و 13 هو المفضل، إذا الشخص بستخدم الجهاز على المكتب وما بيستخدمه إلا في المكتب أو البيت يوخد 15، بينما إذا كان الشخص بتنقل كثير وبستخدمه خارج البيت وفي الكافيهات والخ ودائماً حامله يفضل نختار 13 عشان وزن أخف وسهل ينحمل. لكن بنفس الوقت الديزانيرز واللي بيشتغلو مونتاج وبيشتغلو شغل ثقيل يفضل يختارو 15 إنش عشان فيه محتوى كثير على الشاشة وعشان المواصفات العالية نادراً ما تتواجد بأجهزة 13 إنش خصوصاً مثل كرت الشاشة الخارجي والمعالج ذا الأداء المرتفع.

بما إنه خلصنا أحجام الشاشات والمقال لا زال قصير فيه معنا مجال نتكلم عن باقي الشغلات المهمة بالشاشات ومنها الدقة، ونوع الشاشة، والسطوع، والألوان.

الدقة: وهي عدد البكسلات في الطول والعرض وكل ما زاد كان أفضل، حالياً الدقق المشهورة وأسماءها التجارية: ( أقل شيء ينصح به fhd / 1080p )

1280×720 : hd / 720p

1920×1080 : fhd / 1080p

2560×1440: 2k / 1440p

3840×2160: 4k / 2160p

بسبب إختلاف بعض الأجهزة نسبة الطول إلى العرض فممكن نشوف أرقام قريبة مثل

1920×1080 بدالها نشوف 1920×1200، وفعلياً في الواقع ما بتفرق إذا شفنا شغلات زي هيك، وأي جودة مثل fhd / 1080p كافية وما يفضل أقل منها وأعلى منها يعتبر إمتياز مفيد لكنه مع هيك ليس ضرورياً.

نوع الشاشة: (ينصح بالبحث عن IPS )

TN / IPS / OLED

أغلى نوع وأفضلهم  OLED من ناحية الألوان والسطوع وزاوية الرؤية(إذا ميلت لابتوبك لورى شوي الألوان بتكون باهتة ومش مبينة ومالية شوي للأبيض الغير واضح) ونادر حالياً وما بنلقاه غير بلابتوبات المصممين والغيمنغ الغاليات جداً 7000 شيقل وأكثر.

ويتليه IPS وقريب من ناحية الألوان والسطوع وزواية الرؤية من OLED وينصح بالبحث عن هذا النوع عن شراء لابتوب.

وفي الآخير TN وهو الأسوء، أحياناً يكون جيداً لكن في معظم الأحيان إن لم يكن الخيار الأخير والميزانية محدودة أن يتم تجنبه.

السطوع: ( أقل شيء ينصح به 210nits أو 300nits للرؤية في الشمس )

يقاس بوحدة nits و نوع IPS / OLED هم الأفضل والأقل سطوعاً هو TN ويعد 300nits رقم مقبول لرؤية الشاشة في النهار في الشمس وكلما زاد كان أفضل.

وفي العادة يصعب الحصول على هذه المعلومة ونادراً لذلك يفضل التركيز على الدقة ونوع الشاشة.