لمحة عن جودة التصنيع – build quality

مرحباً مرة ثانية ^_^  آ خر مرة حكينا عن الشاشات وتعتبر من الشغلات اللي بالعادة بننتبه لها حتى لو ما بنركز عليها دائماً، فاليوم خلينا نحكي عن شغلة ٩٩% من الناس ما بتنتبه عليها مع إنها مهمة كثير كثير كثير وبتفرق بسعر الابتوب أحياناً أكثر من المواصفات وبتخلي لابتوب بنفس المواصفات أغلى من لابتوب ثاني ب ٢٠٠٠ش مثلاً ومعروفة بعدة أسماء أشهرها المصنعية أو جودة المواد المصنوعة أو جودة التصنيع أو الشصي أو جودة المواد المصنوع منها اللابتوب أو build quality .

طيب عرفنا إيش هي كيف ممكن تفرق معي كمستخدم إذا شريت جهاز بلاستيك سيء كمثال hp 250 أو شريت جهاز بمعدن أو بلاستيك جودة ممتازة مثل hp probook 450، بما إنه نفس المواصفات ونفس الأداء.

الفرق الرئيسي الديمومة ومحافظته على سعره، لابتوب مصنع من مواد منيحة يعني أنه مفاصله أقوى وأفضل بتحمل ضربات بدون ما ينكسر أو ينقل الضربة على القطع الداخليه وبشكل عام بيعيش أكثر بكثير ولأنه مواده منيحة إذا حد قرر يببيعه راح يضل مبين جديد ومش مهيون.

والفرق الثاني وبرضو معظم اللي بيهتمو حتى بجودة المواد المصنوعة منه ما بينتبهولها، جودة المواد ليست الوحيد اللي بتتغير بل بالعادة بكون بطارية أفضل، مراوح صوتها أقل وجودة أعلى فتبعيش أكثر، سماعات وكيبورد وتراكباد أفضل.

بالنهاية ما بنحكي قاعدين خد أغلى موديل وأحسن جودة وادفع أغلى مبلغ لكن كون منطقي كمثال شركة lenovo عندهم ٤ موديلات رئيسية تحمل نفس المواصفات ولكن بأسعار مختلفة وهناك موديلات أخرى ولكن ال٤ المشهورات بالسوق عنا

Lenovo v110 – 2000nis

Lenovo IdeaPad 3/5/L3 – 2400nis

Lenovo Thinkpad e14/e15 – 2700nis

Lenovo Thinkpad X1 carbon – 4000nis

تقريباً هكذا تتفاوت الأسعار فمثلاً دائما أدنى جهاز لا ينصح به لجودة سيئة، بينما الأعلى منه قليلاً خيار 2400 جيد جداً وتقريباً ممتاز وإن كان يوجد بعض الملاحظات الصغيرة مثل تراكباد متوسط الجودة، وعند 2700 نحصل على جهاز فوق المتوسط في جميع النواحي والأفضل 4000 يكون الأفضل ولكن بكمية صغيرة عن 2700 حيث لا تستحق فرق السعر لذلك التركيز على الفئات المتوسطة هو ما ننصح به زبائننا للحصول على أفضل قيمة مقابل سعر.