R5 3600 VS I5 10400F | watanimall Skip to Content Contact Us
Blackfriday

R5 3600 VS I5 10400F

ظرة للسعر مقابل الاداء حاليا : ( الاسعار متذبذبة وقد تنقلب الصورة )
** حاليا معالج i5 10400f يباع باقل من r5 3600 ب 100 شيكل غالبا
** من المنطقي ان يتم وضع معالج i5 10400f مع لوحة b460 ومعالج ryzen 5 3600 مع لوحة b450 ..
ليش intel i5 10400f انسب اليوم لتجميعة متوسطة بميزانية محدودة ؟!
بشكل عام i5 10400f مش اسرع من ryzen 5 3600 لا بالتطبيقات ولا بالالعاب وبالاخص لما ينحط بلوحة b460 كونها راح تحددلك سرعة الرام ب 2666 لكن هي الخيار الامثل لهيك معالج ..
لكن نبقى واقعين الاداء متقارب باغلب الوقت ومش بعيد بمكن ryzen 5 3600 اسرع ب 5-10% لكن مش ع كرت متوسط وهاي المعلومة اللي لازم تعرفوها .. فعمليا اداء هاي المعالجات هو متساوي ومتماثل تماما خاصة ع كروت صغيرة او متوسطة ..
فاذا انت فعليا بدك تركب 1650s , 1660s , rtx2060 , rtx 2060s راح تشوف نفس الاداء ..
الاشي اللي بخليني اروح لانتل حاليا هو فرق السعر اللي بساوي ١٠٠ شيكل ، رامات بتردد 2666 فيه فرق لا يقل عن ٥٠ش ، معالج انتل اجمالا ابرد وتبريد تحت ١٠٠ ببرده كويس هناك برايزن ٥ بدك تبريد مش اقل ٢٠٠ش ..
ممكن هاي الفروق تخليك تروح لكرت اعلى وهو الاهم .. مثلا تروح من 1660s ل rtx 2060 ..
عالجهة الثانية رايزن الو ايجابيات كثير برضه :
لو شريت مثلا لوحة b550 متوسطة صحيح اغلى لكن اغلبهم قويات وراح تدعم الجيل الجاي وحتى لو بدك تطور ل ryzen 9 فش مشكلة ، وعدا عن دعم pcie gen4 .. ف رايزن خيار افضل للتطوير مستقبلا ..
رايزن اسرع ، وبالتطبيقات المعتمدة على المعالج بقدم اداء افضل بشكل ملحوظ ، رايزن بخليك تستخدم رام سريعة على لوحة b .
بالمختصر اذا ميزانيتك محدودة جدا حاليا ومش كثير مهم التطوير عندك وبدك توخذ افضل اداء باقل تكلفة ف i5 10400fافضل ..
اذا انت بدك اشي يكون افضل من ناحية دعم وتطوير مستقبلا ف r5 3600 افضل ولو انه اغلى شوي ..
Back top top Skip to content